«Թոռնիկ Պատվիրե՞լ Եք» – Կարինե Խոդիկյան
«Տաք Զրույց» հեռուստահայտագրի հյուրն է «Ինեսա Տատիկը»: Նա լացակումաց պատմում է իր «երբեք չտեսած» թոռնիկի՝ Արսենի մասին, որին փնտրում է ամեն տեղ: Հետո նա տուն է գալիս, պարիկը հանում ու հնամաշ հագուստները փոխում: Այս կինը «խեղճ ու կրակ» տատիկի նման չէ: Չլինի այդ հայտագիրը հենց էնպես ստից, հնարովի մի բան էր: Բայց ահա դռան զանգը: Մի «տղա» է եկել և ասում է, ես եմ՝ Արսենը:
Դերերում՝ Սյուզաննա Եգորյան, Վան Ադրիկ և Արմեն Թադևոսյան: Բեմադրիչ՝ Արամազդ Ստեփանյան
Գուրգեն Խանջյանի «Պատահար»-ում, Սահակն ու Լուսինեն Հայաստանի գյուղերից մեկում փորձում են գոյատևել հողագործությամբ և անասնապահությամբ: Գործերը լավ չեն: Արդյո՞ք մի լավ բան կպատահի: Մի գիշեր մեծ դրմբոցով տունը թափ է գալիս: Մեկը, հարբած քշելիս, մեքենայով խփել, իրենց տան պատշկամբն ու ցանկապատը ջարդել է: Ներս են գալիս Տարոնն ու Լիլին: Տարոնն ասում է, չմտահոգվեք, ե՛ս եմ խփել, վնասը կփակեմ, և դեռ ավելին: Կանխիկ լավ վճարում է. հետո ասում է՝ դե՛ եկեք, եկեք սեղան գցեք, խմիչք բերեք, քեֆ անենք: Սահակն ու Լուսինեն թեև դժգոհ, բայց համաձայնվում են՝ վերջապես նրանք մի տեսակ հյուր են եկել «հայի տուն»— երբեք չկռահելով, թե ինչքան են խնդիրները բարդանալու:
Դերերում՝ Արիս Բաղումյան, Օֆելիա Բեկչյան, Լյուդմիլա Գրիգորյան, Աշոտ Թադևոսյան
Թատերաթաղերի նյութերը հարմար չեն երեխաների համար:
Տեղեկություն: www.itsmyseat.com/CAPS TheAramazd@gmail.com www.AramazdStepanian.org